No products in the cart.
Eurovino 2025
9-10 მარტს არჩილის ღვინო გერმანიას ესტუმრა და პრესტიჟულ საერთაშორისო გამოფენაში Eurovino 2025 მიიღო მონაწილეობა.
Eurovino ერთ-ერთი ყველაზე მნიშვნელოვანი ღვინის გამოფენაა ევროპაში, რომელიც ყოველწლიურად იმართება გერმანიის ქალაქ კარლსრუეში. ღონისძიება ღვინის პროფესიონალებს, ექსპერტებს, დისტრიბუტორებსა და მოყვარულებს აერთიანებს, რაც მას იდეალურ პლატფორმად აქცევს ახალი ღვინოების გაცნობისა და ბიზნესკონტაქტების დამყარებისთვის. გამოფენაზე წარმოდგენილია მცირე და საშუალო მეწარმეები, პრემიუმ ღვინის მწარმოებლები და იმპორტიორები მთელი მსოფლიოდან.
კარლსრუეში გამართულ Eurovino 2025-ზე ჩვენი ღვინო განსაკუთრებული ყურადღების ცენტრში მოექცა. როგორც გერმანელი ექსპერტები, ისე ღვინის მოყვარულები აღფრთოვანებულნი დარჩნენ ღვინის უნიკალური ხასიათით, სტრუქტურითა და კომპლექსურობით.
გერმანია ერთ-ერთი ყველაზე მნიშვნელოვანი ბაზარია ქართული ღვინისთვის, სადაც ბოლო წლებში მოთხოვნა საგრძნობლად იზრდება. მსგავსი გამოფენები კი საუკეთესო შესაძლებლობას იძლევა, რომ ქართული ღვინო უფრო მეტმა ადამიანმა აღმოაჩინოს და დააფასოს.
ჩვენთვის დიდი პატივია, რომ არჩილის ღვინომ Eurovino 2025-ზე დიდი მოწონება დაიმსახურა და ქართული მეღვინეობის ტრადიციები ღირსეულად წარმოაჩინა!
კომენტარის დატოვება