ქარვის ნაზავი 2019

ორგანოლეპტიკური მონაცემები:

ფერი – ქარვისფერი, მზის სხივის თბილი ტონებით;

სურნელი – სხვადასხვა ხილის, ვაშლის, ატმის, თაფლის, მინდვრის ყვავილების, თივის ნაზი სურნელი ჰარმონიულადაა შეზავებული;

გემო – სრულსხეულიანი, ტანინებით მდიდარი, ვაშლის, ატმის და ხილის ჩირის ტონები ჰარმონიულად არის დაბალანსებული, ხანგრძლივი სურნელოვანი დაგემოვნებით.

ლაბორატორიული ანალიზის მონაცემები:

ალკოჰოლი – 13%;

ტიტრირებული მჟავიანობა – 5,3 გ/ლ;

აქროლადი მჟავა – 0,52 გ/ლ;

დარჩენილი შაქარი – < 3 გ/ლ.

ხელნაკეთი ქარვისფერი მშრალი ღვინო, 2019 წლის მოსავალი, რომელიც დამზადებულია უმაღლესი ხარისხის რქაწითელის და კახური მწვანეს ჯიშის ყურძნისგან, ბებერი ვენახიდან, რომელიც გაშენებულია კახეთში, წინანდლის მიკროზონაში სოფელ კურდღელაურში 1968 წელს. ღვინო შექმნილია მეღვინე-მევენახე არჩილ უთიაშვილის მიერ თანამედროვე და უძველესი ქართული ტრადიციული ტექნოლოგიების მიხედვით ალკოჰოლურ დუღილში ჭაჭა-კლერტის მონაწილეობით. ღვინო დაძველებულია ფრანგული მუხის კასრებში.

ჩამოსხმულია მხოლოდ 1820 ბოთლი.